Keramika

Dwulětnje zarjaduje naše towarstwo dźěłarničku, hdźež so kreatiwnje a tworićelsce pod wěstej temu z hlinu dźěła.
Tu maja nazhonići keramikarjo móžnosć, reliefy, sudobja abo skulptury we wjetšich rozměrach zhotowić. Lajkojo dóstanu pokiwy a wěcywustojny nawod za wobdźěłanje hliny, tak zo nastanu najwšelakoriše dźěła. Móžemy z tym serbsku tradiciju tutoho łužiskeho rjemjesła wšitkim zajimowanym zbližić a wuwiće wusměrnje spěchować.