Towarstwo je so 28. měrca 1991 w Budyšinje załožiło a je wušło z Domu za serbsku ludowu kulturu. W našich wustawkach rěka: "Spěchowanski kruh ma serbske ludowe wuměłstwo na wšitkich polach spěchować, zdźeržeć, pěstować a rozšěrić". Smy nadregionalne towarstwo z čłonami z cyłeje Łužicy. Prócujemy so z městnymi towarstwami na polu ludoweje kultury hromadźe dźěłać, dokelž dźě su naši čłonojo najčasćišo tež w towarstwach swojeho regiona zastupjeni a tam aktiwnje sobuskutkuja.